Breaking News

My little Angles

My little Angles

好多人老左之後,都會好慨嘆咁講一句:因為生左小朋友,所以有好多心願未能達成,或者有好多理想未能做到。但係我可以好自豪咁講一句,我嘅理想一直在進行緊,而且而家仲係由我兩個可愛嘅孩子幫我延續緊!

我嘅理想並唔係做一個舞蹈家或者係鋼琴家,我只係想做一個普通嘅商人,利用自己的能力養活自己。從來我亦無要求大富大貴,只係希望自給自足,只要維持到生活就可以。但可惜,努力左10幾年,呢個願望仍然未能達到。

我係一個比較硬頸嘅人,可能亦都係因為呢個原因,所以我做嘢好堅持,堅持要用盡自己嘅能力同精神去完成每一件事。但係堅持仍然需要向現實低頭,生活嘅基本開支,令到我抖不過氣來。好幸運咁我有一對天使嘅仔女,佢哋願意為我擔起沉重嘅生活開支,等我可以在來年能夠無憂無慮地繼續我嘅事業。我好感動佢哋為我付出,令到佢哋要節衣縮食,想幫自己買多一件喜歡嘢嘅閑錢都冇!

希望來年能夠利用公司僅餘嘅資源,賺到生活費,唔使仔女憂心屋企嘅開支就心滿意足了!

Leave a comment

Your email address will not be published. Required fields are marked *

Top